Humko khabar nahi ...

Kis waqt lute kuch na hui hum ko khabar bhi,

Bikne chale toh pehle hi neelaam tha ghar bhi.

Kuch fark nahiN laate gul o barg o samar bhi,

Milne se hai matlab hume aa jaao jidhar bhi.

Yaa rab har ik aashiq ko de mujh jaisa jigar bhi ,

Mar hi gaye zaalim sabhi ye kehte ke mar bhi.

LeiN ge naa tasalli ko kabhii eik nazar bhi,

Vaada e shab e vasl hai ke sar ta qamar bhi.

Lab laali bhare saath liye teer e nazar bhi,

Uff maar chale haaye idher bhi phir udher bhi.

Baad uske dikhuN gaa main tujhi saa tujhe jaanaaN ,

"Kaafi hai tasalli ko meri eik nazar bhi".

Tujh ko main bataaoN ke hai kya jashn e mohabbat,

Pehle zara maatam e mohabbat se guzar bhi.

Talkhi e hayaat apni gayi bhi toh gayi kyaa,

Hai ik nayi shab jo hume lagti thi sehar bhi.

Maikhaana mein ye khauf e khudaa kaar e ziyaaN hai,

Sar phor dega rind koi , Ae sheikh kider bhi ?!!!

Mehram ki tarha lagti hai har maah jabiiN ab,

Kaali teri aankheiN toh haiN kaala hai asar bhi.

Kar toh gaye par dekhiye manzuur e naseebaaN ,

Vaada e shab e vasl mein the kuch "par" "agar" bhi.

Is bazm e adab mein humi luuteiN ge sabhi daad,

Apnii yahii aadat hai burii apnaa hunar bhi.

Ye hazrat e hamza haiN phir Ae hazrat e waaiz ! ,

Bhir inse na ke bhirte nahiN sar phire sar bhi..