Tujhiko paa raha huuN main tujhi se hai mera haasil ,
JahaN pjaaoN tere charche jahaN jaaoN teri mehfil.
Teri khaatir hi hum badnaam hote haiN sar e mehfil ,
Agar ab bhi tujhe hum se nahiN milnaa toh phir naa mil.
Agar daana hai toh phir khaakh mein hojaa kahiN shaamil ,
Agar gul hai toh jab chaahe jahaN chaahe wahaN par khil.
KahiN lazzat rahi gham ki kahiN gham hi raha lazzat,
Ajab hai raah e ulfat bhi, na hai aasaaN na hi mushkil.
Ider chaahat lahu nikle , uder haajat koi aawe ,
KahiN qaatil, kahiN bismil , meri manzil bari mushkil. !
Gham e ulfat sahe kyaa jo gham e dunyaa se darta hai ,
Bara dhuk hai ke mere bhi nahiN qaabil mera hi dil.
Samaj leiN justaju ko fikr e manzil phir sahi hamza ,
Abhi raste se bhatke haiN abhi rasta hi hai manzil.
No comments:
Post a Comment