hum the humare saath koi tiisra na tha
aisaa haseen din kahiiN dekha suna na tha
aankhoN meN us ke tair rahe the haya ke rang
palkeN uThha ke meri taraf dekhta na tha
kuChh aise us ki jhiil si aankheN thi har taraf
hum ko sivaaye Duubne ke raasta na tha
haathoN meiN der tak koi Khushbu basi rahi
darvaaza-e-chaman tha voh band-e-qaba na tha
us ke to ang ang meiN jalne lage diye
jaadu hai mere haath meiN, mujh ko pata na tha
us ke badan ki lau se thi kamre meiN , raushni khiRki meiN
chaand, taaq meiN koi diyaa na tha kal raat
voh nigaar hua aisa multafat aksoN ke darmiyaan
koi aaina na tha saansoN meiN the gulaab
to honToN pe chaandni inn manzaroN se
maiN to kabhi aashna na tha royaa kuchh iss tarah
mere shaane se lag ke voh aise laga ke jaise kabhi bevafa na tha
hai ishq ek rog, muhabbat azaab hai
ek roz yeh kharaab kareN ge, kaha na tha! Amjad
vahaaN pe har koii rehte bhi kis tarah
rukne ko keh raha tha magar rokta na tha..
No comments:
Post a Comment