Woh Chala gaya ..

Woh zindagi se ankh chura kar chala gaya,

Chehra rida-e-gul main chupa kar chala gaya,

Baar-e-gham-e-jahan se subak-dosh kya hua,

Hum par pahaarr gham ke giraa kar chala gaya,

Dard aashnaa dilon ko na bhoole ga woh kabi,

Aesa dilon par naqsh bithaa kar chala gaya,

Woh raazdar-o-shero-sukhan aashnaa-fun,

Mehfil main apna rang jamaa kar chala gaya,

Sehraa-e-jahan main aabla-paayi ke bawjood,

Fikr o nazar ke phool khila kar chala gaya,

Sar-daman udaas chaman sogwaar hai,

Mastay huyon ko pal me rulaa kar chala gaya,

Apni misaal aap tha ae “qutab” woh “naseer”,

Jo apni aabo-taab dikha kar chala gaya..