Aankhein Dekho Aankhon Mein ..

Kaali kaali aankhon mein ,

Kho kar dekho raaton mein  ..

Tu hai baahon mein phir bhi ,

Gum hun teri yaadon mein ..

Main toh safar kaa aadi hun ,

Bichdi manzil raahon mein ..

Duniya duniya karti ho ,

Duniya mere pairon mein ..

Roshni teri rukh ki jun ,

Suraj nikla raaton mein ..

Maut hi aa jaye kash ab ,

Baahon mein hun khawabon mein ..

Tum phoolon ki rani ho ,

Main basta hun kaanton mein ..

Dheere dheere maregi ,

Haaye mohabbat kishton mein ..

Waise bhi to marna hai ,

Marne do phir un aankhon mein ..

Tum to mohabbat mein ho yaar ,

Aankhein dekho aankhon mein ..

Tum to khud aik misraa ho ,

Kyun parti ho ghazlon mein 

Baatein karte karte tum ,

Aa jaati ho baaton mein ..

Jaan hai us gull ruu ko hamza ,

Aur hazrat hai yaaron mein ...

           ¨°º¤ø„¸ ¸„ø¤º°¨