Thak Jao aGar Pathreeley Raston Pay Chaltey Huwey
Kabhi Soch Na Lena Ke Wahan Tanha Ho Tum
Mond Kar Palkon Ko Apni Jo Tum Daikho Gey
Apney Saath Hi Sada Mujh Ko Paao Gey Tum
Har Waqt Bura Kat Jaata Hai, Yaqeen Karna
Aankhon Mein Kabhi Tum Ashk Na Bhar Lena
Gham Barrh Jaaye, Muskurahat Khoney Lagey
Apni Duaon Mein Mujh Ko Paao Gey Tum
Ishq Naam To Nahin Hai Milan Ka, Deedar Ka
Dil Say Dil Ka Mil Jaana Hai Naam-E-Mohabbat
Jo Yaad Aa Jaaye Mairi, Na Samajhna Ke Door Hoon
Apney Seeney Mein Dharrakta Mujh Ko Paao Gey Tum
Waqt Ki Garmi Jo Jhulsaaney Lagey Wajood
Mairi Chahat Ki Nami Ko Mehsoos Karna
Jo Sard Hawaein Zamaney Ki Aaney Lagein Paas
Mairi Wafaon Ki Garmi Ko Mehsoos Karna
Main Tum Say Juda To Nahin Hoon Mairey Humdum
Apney Saath Hi Sada Mujh Ko Paao Gey Tum
No comments:
Post a Comment