Sab-e-hijraan ki aziyyat ki khabar kis ko hai,
Meri gumnam mohabat ki khabar kis ko hai
Kis ko ehsas mere shiddat-e-jazbat ka hai
Meri halat, meri wehshat, ki khabar kis ko hai
Kon veeran makanon ki khabar rakhta hai
Meri ujri hui kismat ki khabar kis ko hai
Mein ne chup chap mohabat k sitam jhele hain
Meri is darja sharafat ki khabar kisko hai
Kon aaye ga mere dil ab tujhko tasalli dene
Teri udas tabiyyat ki khabar kis ko hai
No comments:
Post a Comment