Kashti bhi nahi badli dariya bhi na badla ,
Aur doobne walon ka jazbaa bhi na badla ,
Tasveer nahi badli sheesha bhi na badla ,
Nazrein bhi salaamat hain chehra bhi na badla ,
Hai shauq-e-safar aisa aik umar se yaroon ,
Manzil bhi nahi payi rasta bhi na badla ,
Bekar gaya ban mein sona mera sadiyon ka ,
Iss sheher mein to ab tak aik sikka bhi na badla ,
Be-samt havaaon ne har ek leher se saazish ki ,
Khwaabon ke jazeere ka naqsha bhi na badla
No comments:
Post a Comment