Kya baat karay koi !!

Kya aah bharay koi 
Jab aah nahin jati dil se bhi jara gehri
Aur arsh se kuch oonchi
Kya nazm likhay koi
Jab khwab ki qeemat mein
Adarsh ki surat mein 
Kashkoal gada'ei ka
Sha'er ko diya jaye
Aur rok liya jaye 
Jab shaer utarnay se
Badal se jara upar 
Taron se jara neechay
Kya khak likhay koi
Jab khak kay maidan par
Unglion ko hilanay se 
Toofan nahi uth'ta
Jab shakh pe ekman ki
Iss Dasht-E-Tamanna mein
Aik phool nahin khilta 
Rehwar nahin ruktay 
Mohoam si manzil par
Aankhon kay isharay se
Aur noor ki boondon ki
Bochhar nahin hoti
Aik neelay sitaray se
Jab dil kay bulawa par
Iss jheel kinaray par
Paigham nahin aata
Aik door ka bashinda
Aik khwab ka shehzada
Gulfaam nahin aata
Basti mein koi aurat
Raton ko nahin soti 
Jaagi hui aurat ki 
Soyi hui qismaat par
Jab koi bhi deewana 
Be chain nahin hota
Dehleez kay patthar se
Takra kay jabin apni 
Aik shakhs nahin rotaa
Jab neend kay shedayi
Khwabon ko tarastay hain 
Aur dekhnay kay aadi
Binayi se dartay hain
Reh reh kay andheray se
Aankhon kay ujlaon se
In phool se bachchon se 
Keh do ke na aab nangay
Paaon se chalein ghar mein
Iss farsh pe matti kay
Aab ghas nahin ugti
Aab saanp nikaltay hain
Deewar se aur dar se 
Aab noor ki boondon se
Mehki hui matti mein
Anmol ujalay kay
Woh phool nahin khiltay
Aab jheel kinaray par
Bichhday bhi nahin miltay
Basti mein koi aurat
Ratoon ko nahin soti
Aur jagnay walon se 
Bhi nazm nahin hoti
Kya nazm likhay koi
Jab baat kay honay mein
Aur baat na honay mein
Kuch FARQ na reh jaye 
Kya baat karay koi .. !!!